CALABRIA MIA
Calabria mia, si sempre la cchiù bella
E nnui t’avimu mpitta intra lu core;
cca tu si tuttu, a Mamma, si lla stella,
ca n’aiute a turnare de lla fore.
Sti munti tue, ccu timpe e mazzacani,
ccu pini, faghi, alive, ccu carigli,
ni li sonnamu, puru si luntani
e sentimu li canti e lli visbigli.
Ìe llu vientu ca ntone sta canzune
Alli cuoschi juruti, mprofumati,
rispunde lla carrera e llu vallune
e nnui sentimu l’uocchi allacrimati.
I’e llu jume ca fa lla serenata,
alla Sila c’ha piersu la nivera
fa d’accussi ppe tutta la iornata
ccu lla Marina cumu na spasera.
Su lli rangi, li citri, le ficare,
ca ccu lenta, toccante meludia,
allu Munte cchiù Aspru, alle lupare,
circanu amure, fratellanza, no pazzia.
I’e llu mare ca vatte supr’a rina,
accarizze llu scuogliu e lli timpuni,
su lli viecchi c’a n’ura de matina,
aspettan’u ricuogliu di guagliuni.
Supra la cerza, carma, senza vientu,
cante l’aciellu, cante alla ventura,
su svulati li figli, cchi turmientu!
“Calabria mia!” I’e chissa la sventura.
Giulio di Malta
Calabria mia, si sempre la cchiù bella
E nnui t’avimu mpitta intra lu core;
cca tu si tuttu, a Mamma, si lla stella,
ca n’aiute a turnare de lla fore.
Sti munti tue, ccu timpe e mazzacani,
ccu pini, faghi, alive, ccu carigli,
ni li sonnamu, puru si luntani
e sentimu li canti e lli visbigli.
Ìe llu vientu ca ntone sta canzune
Alli cuoschi juruti, mprofumati,
rispunde lla carrera e llu vallune
e nnui sentimu l’uocchi allacrimati.
I’e llu jume ca fa lla serenata,
alla Sila c’ha piersu la nivera
fa d’accussi ppe tutta la iornata
ccu lla Marina cumu na spasera.
Su lli rangi, li citri, le ficare,
ca ccu lenta, toccante meludia,
allu Munte cchiù Aspru, alle lupare,
circanu amure, fratellanza, no pazzia.
I’e llu mare ca vatte supr’a rina,
accarizze llu scuogliu e lli timpuni,
su lli viecchi c’a n’ura de matina,
aspettan’u ricuogliu di guagliuni.
Supra la cerza, carma, senza vientu,
cante l’aciellu, cante alla ventura,
su svulati li figli, cchi turmientu!
“Calabria mia!” I’e chissa la sventura.
Giulio di Malta